Rona Bhi jo chahein to woh Rone Nahi Deta,
Wo shakhs to palkein Bhi Bhigone Nahi Deta...
Woh Roz Rulaata hai hamein khwaab Mein Aakar,
Sona Bhi jo chahein to woh sone Nahi Deta.....
Yeh kis ke ishaare pe Umadh Aaye hain Baadal,
Hai kaun jo Barish kabhi hone Nahi deta...
Aata hai khayalon Mein Mere kaun ye Aksar,
Jo mujh ko kisi Or ka hone Nahi Deta....
Is Darr se ki kahin todh kar Aansoo Na Bahayein,
Bachhon ko Main Mitti ke khilone Nahin Deta...
Ik Shakhs hai Aisa Meri Hasti Mein Abhi Tak,
Jo Bojh Akele Mujhe Dhone Nahi Deta...
Main hun ki Bahata hun teri yaad Mein Aansoo,
Aur tu hai ki Ashkon ko pirone Nahi Deta....
Woh chehra Ajab hai jise paakar Main Abhi Tak,
Khona bhi jo chahoon to woh khone Nahi Deta...
0 Comments