Sholaa-e-ishq bujhaanaa bhi nahin chahta hai,

Sholaa-e-ishq bujhaanaa bhi nahin chahta hai,

vo magar Khud ko jalana bhi nahin chahta hai,

uss ko manzoor nahin hai meri guumraahi bhi,

aur mujhey raah pe lana bhii nahin chahta hai,

sair bhi jism ke sehra ki Khush aati hai magar,

der tak Khaak urraanaa bhii nahin chahta hai,

kaise uss shaKhs sey tabeer pe israar karein,

joo koi Khwaab dikhaana bhi nahin chahta hai,

apne kis kaam mein laayega batata bhi nahin,

ham ko auro pe ganvana bhi nahin chahta hai,

mere lafzo mein bhi chupta nahin paikar us ka,

dil magar naam bataana bhi nahin chahta hai,