Din guzarte hain kaha raat kahan hoti hai.
dard k maroon se yeh baat kahan hoti hai.
Aik se chehre to hote hein is duniya main.
Aik si soorat - e - haalaat kahaan hoti hai.
zindagi key kissi mourrh pe woh mill jaaye.
mill to jaate hain mulakaat kahan hoti hai.
aasmaanoon sey koi boond nahi barsey gi.
jalte sehrawo main barsaat kahan hoti hai.
yo to auron ki bohat baatein sunayi un ko.
apni jo baat hai woh baat kahaan hoti hai.
jaisi agaaz-e-mohabbat main hua karti thi.
waisi phir shidat-e-jazbaat kahan hoti hai.
piyaar ki aag banaa deti hai kundan jin ko.
un k zehno main bhala zaat kahan hoti hai.
0 Comments