Chalo Ab Aisa Karte Hain Sitarey Baant Lete Hain
Zarurat K Mutabik Hum Sarey Baant Lete Hain
Mohabbat Karne Walon Ki Tijarat Bhi Anokhi Hai
Munafa Chor Dete Hain Khasaarey Bant Lete Hain
Agar Milna Nahi Mumkin To Lehron Pe Qadam rakh Kar
Abhi Darya-e-Ulfat k Kinaarey Baant Lete Hain
Meri Jholi Main Jitne Bhi Wafa K Phool Hain Un Ko
Ekathey Beth Kar Saarey k Saarey Baant Lete Hain
Muhabbat K Ilawa Pass Apne Kuch Nahi Ab To.
Issi Dolat Ko Hum Qismat K Maarey Baant Lete Hain…
0 Comments