Mangay K Charaghon Say Ujala Nhi Kartay.

Mangay K Charaghon Say Ujala Nhi Kartay.
Palkhon se giray ashak samala nahi kartay.

Takhir hoi hai to koi waja bhi ho gi
Yun dil me koi weham pala nahi kartay.

Phir bad me Rona paray jis k liye us ko.
Yun khowab jharoko se nikala nahi kartay.

Jis shaks k honton se hansi cheen li tum ne.
Kyun aa k tum is ka izala nahi kartay.

Phir is k janaze ko uthana bhi paray ga.
Izzat saray bazar uchala nahi kartay.