Yoon akelay men usay Ehl-e-wafa yaad aaye,

Yoon akelay men usay Ehl-e-wafa yaad aaye, 

Jaisay banday ko museebat men khuda yaad aaye 

Jaisay ujray huay panchi ko nasheman apna, 

Jaisay apnon k bicharnay pe dua yad aaye. 

Jaisay dhalti huee shamon ko sawera koi, 

Jaisay pinjray men parinday ko Fizaa yaad aaye, 

Jaisay boorhay ko khyalat men bachpan apna, 

Jaisay bachay ko shrarat pe saza yaad aaye. 

Jaisay ujri huee basti ko zamana apna, 

Jaisay tufaan k thehernay pe diya yaad aaye. 

Jaisay palkon k jhapaktay he kinaray bhegen, 

Jaisay us roz, hua kon juda, yaad aaye. 

Jaisay sooraj ki tamazat men ghata yaad aaye,

Yoon akely men usay ehl-e-wafa yaad aaye.