Hain Aabaad Laakhon Jahaan Mere Dil Mein

'Hain Aabaad Laakhon Jahaan Mere Dil Mein,

Kabhi Aao Daaman-Khushaan Mere Dil Mein',

'Utarti Hai Dheere Se Raaton Ki Chup Mein,

Tere Ruup Ki Kahkashaan Mere Dil Mein',

'Ubharti Hai Raahon Se Kirnon Ki Lehren,

Sisakti Hai Parchhaiyaan Mere Dil Mein',

'Zamaane K Lab Par Zamaane Ki Baaten,

Meri Dukh-Bhari Daastaan Mere Dil Mein',

'Koi Kyaa Rahegaa Jahaan-E-Fanaa Mein,

Raho To Raho Javidaan Mere Dil Mein' !!