Koi Pathar Koi Gohar Kiyon Hai
Farq Logon Main Iss Qadar Kiyon Hai
Tu Mila Hai To Ye Khayaal Aaya
Zindagi Itni Mukhtasar Kion Hai
Jab Tujhe Laut Ker Nahi Aana
Muntzair Meri Chashm-E-Terr Kiyon Hai
Uss Ki Aankhain Kaheen Sadaf To Nahi
Uss Ka Her Ashk He Gohar Kion Hai
Raat Pehle He Kion Nahi Dhalti
Teergi Shab Ki Ta sahar Kiyon Hai
Ye Bhi Kesa Azaab De Daala
Hai Muhabbat To Is Qadar Kion Hai
Tuu Nahi Hai to Roz-O-Shab Kese
Shaam Kion Agai Sahar Kiyon Hai
Kion Rawana Hai Her Ghari Dunya
Zindagi Mustaqil Safar Kiyon Hai
Main To Ek Mustaqil Musafir Hoon
Tuu Bhala Mera Hamsafar Kiyon Hai
Tujh ko Milna Nahi Kisi Se Adeem
Phir Bichhernay Ka Tujh Ko Darr Kiyon Hai
0 Comments