Kisi bhi lafz ka jadu asar nahi karta
Wo apne dil ki mujhe bhi khabar nahi karta
Bana howa hai bazahir wo betalluk bhi
Jo mujh ko soche bina din basar nahi karta
Theherne bhi nahi deta hai apne dil me mujhe
Mohabbatain bhi meri dil badar nahi karta
Labon me jis k mohabbat ka ism e azam hai
Na jane piyar ko wo kyun aamar nahi karta
Nahi basata jo aa kar bhi sehar e dil mera
Yahan se ja k bhi is ko khandar nahi karta
Udhar ki mujh se chopata nahi hai baat koi
Wo meri batain kabhi bhi edhar nahi karta
Ajeeb tor tarikay hain us k bhi Haidar
Wo mujh se pyar to karta hai par nahi karta
0 Comments