Ye Taluq Bhi Bohat Khoob Raha Hai Kuch Din
Tu Mere Naam Se Mansoob Raha Hai Kuch Din
Aankh Reh Reh K Teri Raah Taka Karti Thi
Dil Teri Yaad Se Maghloob Raha hai Kuch Din
Teri Tasbeeh Bana Kar Tujhe Socha Krna
Mashghla Ye Mera Marghoob Raha Hai Kuch Din
Shayad is Baat Ka Matlab Mein Samjh Na Paon
Kiyon Mera Dil Tujhe Matloob Raha Hai Kuch Din
Barish e Sang Se Pehle Ye Zara Soch To Lo
Tera Mohsin Tera Mahboob Raha Hai Kuch Din
0 Comments