Ye Daulat Bhi Le Lo Ye Shoharat Bhi Le Lo

Ye Daulat Bhi Le Lo, Ye Shoharat Bhi Le Lo

Bhale Chiin Lo Mujh Se Meri Javani Magar Mujh Ko Lauta Do Bachapan Ka Savan

Woh Kagaz Ki Kashti Woh Barish Ka Pani

Mohalle Ki Sabse Nishani Purani

Woh Burhiyaa Jise Bache Kehte They Nani

Woh Nani Ki Baaton Mein Pariyon Ka Dera

Woh Chehre Ki Jhuriryon Mein Sadiyon Ka Phera

Bhulaae Nahi Bhool Sakata Hai Koi

Woh Chhoti C Raaten Woh Lambi Kahani

Kari Dhoop Mein Apne Ghar Se Nikalana

Woh Chiriya Woh Bulbul Woh Titali pakarana

Woh Guriya Ki Shaadi Mein Larna Jhagarna

Woh Jhulon Se Girana Woh Gir K Sambhalana

Woh Pital K Challon K Pyare Se Tohafe

Woh Tooti Hui Churiyon Ki Nishani

Kabhi Rait K Unche Tilon Py Jana

Gharaunde Banana Bana K Mitana

Woh Masoom Chahat Ki Tasvir Apni

Woh Khwabon Khilaunon Ki Jagir Apni

Na Duniya Ka GHam Tha Na Rishton K Bandhan

Bari Khubsurat Thi Woh Zindagani

Woh Kagaz Ki Kashti Woh Barish Ka Pani