Mah'Jabeenon Ki Adaon Se Ulajh Betha Hoon,

Mah'Jabeenon Ki Adaon Se Ulajh Betha Hoon,

Iss Ka Matlab Hai Balaaon Se Ulajh Betha Hoon,

Baab-E-Taseer Se Nakaam Palat Aayi Hain,

Is Liye Apni Duaaon Se Ulajh Betha Hoon,

Teri Dehleez Pe Jhukny Ka Sawal Aaya Tha

Main Zamany Ki Annaon Se Ulajh Betha Hoon,

Jo Musafir K Liye Baais-E-Taskeen Nahi,

Aisy Ashjaar Ki Chaaon Se Ulajh Betha Hoon,

Jo Ghareebon Ka Diya Phoonk K Tham Jati Hain,

Aisi Kam'Zarf Hawaon Se Ulajh Betha Hoon

Arsh Walay Meri Touqeer Salamat Rakhna

Farsh K Saray Khudaon Se Ulajh Betha Hoon,

Aik Kam'Zarf Ki Be-Rabt Jafa Ki Khatir,

Shehar Walon Ki Wafaon Se Ulajh Betha Hoon.