Jugnoo Ki Roshni Hai Kashana e Chaman Mein
Ya Shama Jal Rahi Hai Phoolon Ki Anjuman Mein
Aaya Hai Asman Se Urh Kar Koi Sitara
Ya Jaan Parh Gayi Hai Mehtaab Ki Kiran Mein
Ya Shab Ki Saltanat Mein Din Ka Safeer Aaya
Gharbat Mein Aa K Chamka Ghumnaam Tha Watan Mein
Tukma Koi Gira Hai Mehtab Ki Qaba Ka
Zarra Hai Ya Numayan Suraj Ke Pairhan Mein
Husn e Qadeem Ki Ye Poshida Ek Jhalak Thi
Le Aayi Jis Ko Qudrat Khalwat Se Anjuman
Chote Se Chand Mein Hai Zulmat Bhi Roshni Bhi
Nikla Kabhi Gehn Se Aaya Kabhi Gehn Mein
Parwana Ek Patanga Jugnoo Bhi Ek Patanga
Woh Roshni Ka Talib Ye Roshni Sarapa
Har Cheez Ko Jahan Mein Qudrat Ne Dilbari Di
Parwane Ko Tapish Di Jugnoo Ko Roshani Di
Rangeen Nawa Banaya Murghan e Bezuban Ko
Gul Ko Zuban De Kar Taleem e Khamashi Di
Nazara e Shafaq Ki Khoobi Zawal Mein Thi
Chamka K Is Pari Ko Thori Si Zindagi Di
Rangeen Kiya Sehar Ko Banki Dulhan Ki Soorat
Pehna Ke Laal Jorha Shabnam Ki Aar Si Di
Saya Diya Shajar Ko Parwaz Di Hawa Ko
Pani Ko Di Rawani Moujon Ko BeKali Di
Ye Imtiaz Lekin Ek Baat Hai Humari
Jugnoo Ka Din Wohi Hai Jo Raat Hai Humari
Husn e Azal Ki Paida Har Cheez Mein Jhalak Hai
Insan Mein Woh Sukhan Hai Ghunche Mein Woh Chatak Hai
Ye Chand Asman Ka Shayar Ka Dil Hai Goya
Waan Chandani Hai Jo Kuch Yaan Dard Kasak Hai
Andaz e Guftugoo Ne Dhoke Diye Hain Warna
Naghma Hai Bu e Bulbul Boo Phool Ki Chehak Hai
Kasrat Mein Ho Gaya Hai Wahdat Ka Raaz Makhfi
Jugnoo Mein Jo Chamak Hai Woh Phool Mein Mehak Hai
Ye Ikhtilaf Phir Kyun Hangamon Ka Mehal Ho
0 Comments