Khud Ko Tere Mayar Se Ghaat Kar Nahi Dekha

Khud Ko Tere Mayar Se Ghaat Kar Nahi Dekha

Jo Chor Gaya Usko Palat Kar Nahi Dekha

Tu Dashna e Nafrat Ko Hi Lahrata Raha Hai

Tu Ne Kabhi Dushman Se Lipat Kar Nahi Dekha

They Kocha e Janaan Se Pare Bhi Kai Manzar

Dil Ne Kabhi Is Rah Se Hat Kar Nahi Dekha

Ab Yaad Nahi Faraz Mujh Ko Apna Bhi Paikar

Jis Rooz Se Bikhra Hon Simat Kar Nahi Dekha