Shakeel Badayuni Poetry Shakeel Badayuni Shayari Urdu Shayari Hindi Shayari Sher Ghazals of Shakeel Badayuni shakeel badayuni books shakeel badayuni ghazal lyrics shakeel badayuni naat shakeel badayuni biography in hindi shakeel badayuni gazals shakeel badayuni hindi songs shakeel badayuni shayari in hindi shakeel badayuni ghazals in hindi
Mere hum nafass mere hum nawa
mujhe dost ban ke dagha na de
Main hoon dard e ishq se jaan ba lab
mujhe zindagi ki dua na de
Main gham e jahan se nidhaal
ke saraapa huzn o malaal hoon
Jo likhe hain mere naseeb main
woh alam kisi ko khuda na de
Na yeh zindagi meri zindagi
na yeh dastaan meri daastan
Main khayal o veham se door hoon
Mujhe aaj koi sadaa na de
Mere ghar se door hain raahaten
mujhe dhoondti hain museebten
Mujhe khauf yeh ke mera pata koi
gardashon ko bataa na de
Mujhe chorr de mere haal par
tera kiya bharosa ae chaaragar
Yeh teri nawaazish e mukhtasar
mera dard aur barrhaa na de
Mera azam itna buland hai ke
paraaye sholon ka darr nahin
Mujhe khauf aatish e gul se hai
kahin yeh chaman ko jalaa na de
Dar e yaar pe barri dhoom hai
wohi aashiqon ka hujoom hai
Abhi neend aani hai husn ko
koi shor kar ke jagaa na de
Mere daagh e dil se hai roshni
yehi roshni meri zindagi
Mujhe dar hai ae mere chaaragar
yeh chiraagh tu hi bhujaa na de
Woh uthe hain le ke khum o subu
aray ae shakeel kahan hai tu
Tera jaam lene ko bazm main
koi aur hath barrha na de
0 Comments