Zindagi Ko Na Bana Lein Wo Saza Mere Baad
Honsla Dena Unhein Mere Khuda Mere Baad
Haath Uthe Hue Unke Na Koi Dekhega
Kis Ke Aane Ki Karenge Wo Dua Mere Baad
Kon Ghoonghat Ko Uthaye ga Sitamgar Keh Kar
Aur Phir Kis se Karen ge Woh Haya Mere Baad
Phir Zamane Mein Mohabbat Ki Na Parastish Hogi
Royegi Siskiyaan Le Le Ke Wafa Mere Baad
Wo Jo Kehta Tha Ke Sirf Tere Liye Jeeta Hoon
Us Ka Kya Janiye Kya Haal Hoga Mere Baad
0 Comments