Zindagi Darr Ke Nahi Hoti Basar, Janey Do
Jo Guzarti Hai Qayamat Woh Guzar, Janey Do
Dekhtay Jana Badal Jaye ga Manzar Sara
Yeh Dhuwaan Sa To Zara Neechay Utar, Janey Do
Phir Chalay Aye Ho Tum Meri Masihaaie Ko
Pehle Kuch Rastay Huwe Zakham To Bhar, Janey Do
Aik Khushbu Ki Tarha Zinda Raho Dunya Mein
Aur Phir Kia Hai Agar Khud Ko Bikhar, Janey Do
Aarzoo Apni Badal Dalo Khuda Ki Khatir
Inki Dehleez pay Phorro Na Yeh Sar, Janey Do
Dil-e-Nadaan Tu Samjhta He Nahi Dunya Ko
Kon Rakhta Hai Bhala Kis Ki Khabar, Janey Do
Saad Tum Aaeib Nikalo Na Hamare Aisay
Hum Bhi Rakhte Hain Gilay Shikway Magar, Jane Do
0 Comments