Bhuli basri hui yaadon mein kasak hai kitni

Bhuli basri hui yaadon mein kasak hai kitni

Doobti shaam ke atraaf chamak hai kitni

Manzar e gul to bus ek pal k liye Thahra tha

Aati jaati hui saanson mein mahak hai kitni

Gir ke Toota nahi shayed woh kisi patthar per

Uski aawaz mein taabinda khanak hai kitni

Apni har baat mein woh bhi hai hasinon jaisa

Us saraapay mein magar nok plak hai kitni

Jaate mausam ne jinhein chhor diya hai tanha

Mujh mein un Toot.te patton ki jhalak hai kitni

This Poetry Urdu Script Available