Safar K Wastey Tayaar Ho To Lene Do,

Safar K Wastey Tayaar Ho To Lene Do,

Wo Lout Aaye Ga Iqraar Ho To Lene Do,



Wafa Ki Sari Kahani Bhi Sun Hi Len Ge Magar,

Wafa Ka Hum Ko Kharidaar Ho To Lene Do,



Rehaaie Paen K Taa Umer Rahen Hum Qaidi,

Muhabbaton Mein Giraftaar Ho To Lene Do,



Jo Hans Raha Hai Har Baat Par, Zara Thehro,

Wo Ro Parey Ga Usay Piyaar Ho To Lene Do,



Takein Gay Khuwaab Kisi Aur Ka Magar Pehle,

Tum Apne Aap Se Bezaar Ho To Lene Do,



Nai Nai Hai Muhabbat Naya Naya Hai Junoo'n,

Ruko Abhi Isay Dushwaar Ho To Lene Do,



Qadam Uthen Gay To Manzil Pari Mile Gi Yahin,

Tum Is Gali Se Hame Paar Ho To Lene Do,



Phir Is K Baad Batain Ge Ishq Kya Hai Magar,

Ye Rog Dil Ka Ye Aazaar Ho To Lene Do,



Abhi To Dil Ne Khizaan Ka Sitam Saha Hai BaTooL

Gulab Rut Ka Gunahgaar Ho To Lene Do,