Taveel Karb-o-Masa'ib Ka Baab Kitna Hai,

Taveel Karb-o-Masaib Ka Baab Kitna Hai,

Bataa ! Naseeb Main Mere Azaab Kitna Hai,



Andheri Raat Main Nikal K Dekh Kabhi,

Pata Chalay Ga Zamaana Kharaab Kitna Hai,



Main Jaanta Hoon Haqiqat Kisi Ko Kiya Maloom,

Fiza-e-Dil Main Meri Iztaraab Kitna Hai,



Hamaare Zo'af Pay Mat Jaao Fikar Ko Dekho,

K Is Main Husan Hai Kitna, Shabaab Kitna Hai,



Kiya Hai Qasd K Be-Baak Kar Hi Daalein Gay,

Zara Bataao Hamaara Hisaab Kitna Hai,



Zameen-e-Dil Ko Meri Ye Bhigo Nahi Sakta,

Pata Hai Tere Karam Ka Sahaab Kitna Hai,



Hamaishaa Jod-o-Karam Ka Amal Raha Jaari,

Kabhi Na Socha K Is Main Sawaab Kitna Hai,



Azal Se Parhte Rahay Hain Kitaab-e-Ishq Magar,

Pata Nahi Hai, Baaqi Nisaab Kitna Hai,



Bahut Qareeb Se Jo Parkha Uss Ko,

Sheedaie Huwa Hai Ilam Wo Izzat Muaab Kitna Hai,