Woh mohabbat ka khuda hai mujhe maloom na tha

Sajda usko bhi rawa hai mujhe maloom na tha

Woh bicharne laga mujh se to anaa toot gai

Rooth jana hi ada hai mujhe maloom na tha

Subha hone pay bhi aankho se andhera na giya

Raat suraj se khafa hai mujhe maloom na tha

Rooth janey pay manana usay aata hi nahi

Yeh bhi meri hi khata hai mujhe maloom na tha

Zindgi juram e anasar hai zamane me Wasi

Saans lena bhi saza hai mujhe maloom na tha