Teri Baaten Hi Sunaane Aaye,

Teri Baaten Hi Sunaane Aaye,

Dost Bhi Dil Hi Dukhaane Aaye,

Phool Khilte Hain To Hum Sochte Hain,

Tere Aane Ke Zamaane Aaye,

Aisi Kuch Chup Si Lagi Hai Jaise,

Hum Tujhe Haal Sunaane Aaye,

Ishq Tanhaa Hai Sar-E-Manzil-E- Gham,

Kon Ye Bojh Uthaane Aaye,

Ajnabi Dost Hamen Dekh K Hum,

Kuch Tujhe Yaad Dilane Aaye,

Dil Dharakta Hai Safar K Hangaam,

Kaash Phir Koi Bulaane Aaye,

Ab To Rone Se Bhi Dil Dukhta Hai,

Shaayad Ab Hosh Thikaane Aaye,

Kyaa Kahin Phir Koi Basti Ujri,

Log Kyoon Jashn Manaane Aaye,

So Raho Maut K Pahloo Mein "Faraz".

Neend Kis Waqt Na Jaane Aaye.