Hum Apni Sham Ko Jab Nazar-e-Jaam Kartay Hain

Hum Apni Sham Ko Jab Nazar-e-Jaam Kartay Hain

Adab Se Hum Ko Sitare Salaam Kartay Hain



Gale Lagatay Hain Dushman Ko Bhi Suroor Mein Hum

Bohut Bure Hain Magar Naik Kam Kartay Hain



Sajaayen Kiun Na Isay Ye Saraaye Hai Dil Ki

Yahan Haseen Musafir Qayaam Kartay Hain



Hayaat Beich Di Thore Se Piyar K Badle

Ye Karobar Bhi Tere Ghulaam Kartay Hain



Hamain Bhi Ek Nazar Se Nawaz De Saqi

Hum Apne Hosh-o-Khird Tere Naam Kartay Hain



QATEEL Kitne Sukhan Saz Hain Ye Sannatay

Sakoot-e-Shab Mein Jo Hum Se Kalaam Kartay Hain.........!