Chand Se Chehre Ka Sadqa Bi Utara Kijiye,

Chand Se Chehre Ka Sadqa Bi Utara Kijiye,

Mashwara He Ye Meri Jan Gawara Kijiye,



Roshni Din Ki Andheron Me Simat Jati Hai,

Ghar K Aangan Mein Na Youn Zulfain Sanwara Kijiye,



Hum To Jan Hatheli Pe Liye Phirte Hain,

Bas Kisi Roz Humain Halka Sa Ishara Kijiye,



Aap To Mehal Nasheen Naram Mulaim Se Hain,

Jhonpri Hai Ye Ghareebon Ki Guzara Kijiye,



Hum To Rahon Mein Liye Phirte Hain Kaasa-E-Dil,

Haal Kaisa Hai Mera Kisi Roz Nazara Kijye.