shauQ_e_talab ko dard ki meezan mein toliye,

shauQ_e_talab ko dard ki meezan mein toliye,

lekin kabhi Aarzo k dareeche na kholiye,



shehr_e_wafaa ki simt uthaya hi tha Qadam,

toofan Aafaton k mere saath ho liye,



shana hila k fikr ne baidaar kar diya,

jab bistar_e_Anaa pe bahut dair so liye,



hum ko sata k chain se woh bhi na reh saka,

kaante khud apni raah mein zaalim ne bo liye,



Aankhon se apni karb ka baadal baras chuka,

jee khol k hum apni tabahi pe ro liye,