Tumharey Aks ko Aankhon mein Ham Tasveer kar Letey

Tumharey Aks ko Aankhon mein Ham Tasveer kar Letey,

Zara jo Tum Thehar jatey

Koi Tadbeer kar Letey,



Tumhara haath Merey haath se yun chho0t jaye ga,

Agar Mujh ko khabar hoti

issey Zanjeer kar Letey,



Sunehrey khuwab thy Merey

Tumhari jheel Aankhon mein,

Ham in mein Do0b jatey

Aur phir Taabeer kar Letey,



Bichharrtey waqt chehrey par jo Sadiyon ki udaasi thi,

Agar Ham Hosh mein hotey

Usey Tehreer kar Letey.