Khwab Marte Nahin

"Khwab Marte Nahin
Khwab Dil Hain Na Ankhen Na Sansein K Jo
Reza-Reza Hue To Bikhar Jayenge
Jism Ki Maut Se Ye Bhi Mar Jayenge"

"Khwab Marte Nahin"

"Khwab To Roshni Hain, Nava Hain, Hava Hain
Jo Kale Paharron Se Rukte Nahin
Zulm K Dozakhon Se Bhi Phukte Nahin
Roshni Aur Nava Aur Hava K Alam
Maqtalon Main Pohanch Kar Bhi Jhukte Nahin"

"Khwab To Harf Hain"

"Khwab To Noor Hain"

"Khwab Suqraat Hain"

"Khwab Mansoor Hain"