Jis Tar'ha Ki Hain Yeh Divaaren Yeh Dar Jesa Bhi Hai

Jis Tar'ha Ki Hain Yeh Divaaren Yeh Dar Jesa Bhi Hai_

Sir Chupane Ko Muyassar To Hai Ghar Jesa Bhi Hai_

Us Ko Mujh Se Mujh Ko Us Se Nisbaten Hain Be'shumar_

Meri Chahat Ka Hai Mehvar Yeh Nagar Jesa Bhi Hai_

Chal Parra Hun Shoq_e_Be'Parwah Ko Murshid Maan Kar_

Raasta Pur'paich Hai Ya Pur'khatar Jesa Bhi Hai_

Sub Gawara Hai Thakan Saari Dukhan Saari Chubhan_

Ek Khushbu K Liye Hai Yeh Safar Jesa Bhi Hai_

Woh To Hai Makhsoos Ek Teri Mohabbat K Liye_

Tera Ba'hunar Ya Be'hunar Jesa Bhi Hai