Goongi Ho Gayi Aaj Kuch Zuban Kehte Kehte

Goongi Ho Gayi Aaj Kuch Zuban Kehte Kehte

Hichkicha Gaya Main Khud Ko Musalman Kehte Kehte

Ye Baat Nahi Ke Mujh Ko Us Par Yaqeen Nahi

Bas Dar Gaya Khud Ko Sahib E Imaan Kehte Kehte

Taufeeq Na Hui Mujhe Ek Waqt Ki Namaz Ki

Aur Chup Hua Moazzan Azaan Kehte Kehte

Kisi Kafir Ne Jo Pucha K Ye Kya Hai Mahina

Sharam Se Pani Hua Main Ramzaan Kehte Kehte

Meri Almari Mein Gard Se Ati Kitaab Ka Jo Pucha

Main Garh Gaya Zameen Mein Quraan Kehte Kehte

Ye Sab Sun Ke Chup Saadh Li IQBAL Us Ne

Yun Laga Jaise Ruk Gaya Ho Mujhe Haiwaan Kehte Kehte