Ehwaal-E-Gham-E-Zeest Sunaane Se Rahi Main,

Ehwaal-E-Gham-E-Zeest Sunaane Se Rahi
Main,

Ab Khud Ko Tamasha To
Banaane Se Rahi Main.. ♡

Har Baar Main TazLeeL-E-Anaa Kar Nahi Sakti,

Har Baar Usay Jaa K Manaane Se Rahi Main..
♡

Ehsaan Ka Mafhoom Hai Aankhen Na MiLana,

Ehsaan Kisi Ka Bhi Uthaane Se Rahi Main.. ♡

Mumkin Hai Kisi Roz Ye Kundan Hi Bana De,

Is DiL Mai Lagi Aag Bujhaane Se Rahi Main.. ♡

Jo Zakham RafeeQon K Rawaiyyon Se Lage
Hain,

Wo Zakham Kisi Ko Bhi Dikhaane Se Rahi
Main.. ♡

Dariya Hoon To, Dariya Hi Usay Pesh Karun Gi,

Piyaase Ko Samandar Toh
PiLaane Se Rahi Main...!! ♡