Mery Watan me ye kesi Jang hy

Falak hy Hairan
Zameen Dang hy

Mery Watan me ye kesi Jang hy?

Hain Mehav-e-Hairat yahan k Baasi

Hy kon Haq par?
Hy kon Baghi?

Ajeeb Manzar
Ajeeb Uljhan

Hy kon Apna?
Hy kon Dushman?

Barasti hy har Soo Lahu ki Barish

Hy koi Fitna ya koi Sazish?

Kahin Miza'ial Baras rhy hen

Kahin py Insan Bomb bany hen

Kahin Makeen-o-Makan py Hamly

Kahin hen Zid par Jaloos Jalsy

Badan Fiza me Bikhar rhy hen

Palon me Kunby Ujar rhy hen

Ye Aah-o-Zaari
Ye Sogwari

Har ek Chehry py Mot Taari

Luti Muhabbat
Luta Sukoon hy

Hamary Hathon
Hamara hi Khoon hy.