Kiya Kahiye K Ab Us Ki Sada Tak Nahi Aati

Kiya Kahiye K Ab Us Ki Sada Tak Nahi Aati

Oonchi Hon Faseelein To Hawa Tak Nahi Aati 

Shaayad Hi Koi Aa Sakay Is Morr Se Aagay 

Is Morr Se Aagay To Qaza Tak Nahi Aati 

Wo Gul Na Rahe Nikbat e Gul Khaak Milay Gi 

Ye Soch K Gulshan Mein Saba Tak Nahi Aati 

Is Shor e Talatum Mein Koi Kis Ko Pukarey 

Kaano Mein Yahan Apni Sada Tak Nahi Aati 

Khuddaar Hoon Q Aaon Dar e Abl e Karam Par 

Kheati Kabhi Khud Chal Kar Ghata Tak Nahi Aati 

Us Dasht Mein Qadmoon K Nishaan Dhoond Rahey Ho 

Pairron Se Jahaan Chhan K Ziya Tak Nahi Aati 

Yaa Jaatay Huwey Mujh Se Lipat Jaati Thi Shaakhein 

Yaa Meray Bulaney Se Saba Tak Nahi Aati 

Kiya Khushk Huwa Roshniyon Ka Wo Samandar 

Ab Koi Kiran Aabla Paa Tak Nahi Aati 

Chhup Chhup K Sada Jhankti Hai Khalwat e Gul Mein 

Mehtaab Ki Kirnon Ko Haya Tak Nahi Aati 

Ye Kon Bataaye Adam Abaad Hai Kaisa 

Tooti Huwi Qabron Se Sada Tak Nahi Aati 

Behtar Hai Palat Jaao Siyaah Khan e Gham Se 

Is Sard Ghupa Mein To Hawa Tak Nahi Aati