Meray BeRabt Khayalat Mein Kia Rakha Hay
Main To Pagal Hoon Meri Baat Mein Kia Rakha Hay
Baandh Rakha Hay Teri Yaad Nay Maazi Say Mujhay
Warna Guzray Hoay Lamhaat Mein Kia Rakha Hay
Meri Takmeel Teri Zaat Say Hi Mumkin Hay
Tu Alag Ho To Meri Zaat Mein Kia Rakha Hay
Ye Shab O Roz Teray Dam Say Hi Tabinda Hain
Warna In Gardash E Halat Mein Kia Rakha Hay
Umarr Bharr Saath Nibhao To Koi Baat Bannay
Chand Lamhon Ki Mulaqaat Mein Kia Rakha Hay
0 Comments