Dar-e-qafas se pare jb saba guzarti hai...
Kise khabar k aseero'n pe kya guzarti hai...??
Ta'alluqaat abhi is qadar na toote the...
K teri yaad bhi dil se khafa guzarti hai...
Wo ab mile bhi to milta hai is tarah jaise...
Bujhe charaagh ko chhoo kar hawa guzarti hai...
Faqeer kab k gaye jungalo'n ki simt magar...
Gali se aaj bhi unki sada guzarti hai...
Ye ahle hijr ki bastii hai ehtiyaat se chal...
Museebato'n ki yahan intehaa guzartii hai...
Bhanwar se bach to gayin kashtiya'n magar ab k...
Dilo'n ki khair,,, k mauj-e-balaa guzarti hai...
Na poochh apni ana ki baghaawaten MOHSIN...
Dar-e-qubool se bach kr Dua guzartii hai....!!
0 Comments