MOHSIN kisi ka akss hai ashko'n me waqt-e-subh...

Tanha hai dil to zehen kayii mahfilo'n me hai... 

Yaanii meri hayaat badi mushkilo'n me hai... 

Jugnoo ko din ka sheher na raas aa saka to kya.. 

Sooraj ka ghar bhi shab k ghane jungalo'n me hai... 

Fursat mile to apni samaa'at pe ghaur kr... 

Mere ghamo'n ki lay bhi tere qahqaho'n me hai...

Jisko talaash karti hain aawara manzile'n... 

Kisko khabar wo qaafila kin raasto'n me hai...

Rakht-e-safar lutaa k bhi rahwar hai mutma'in... 

Kitni kashish junoo'n ki hasee'n manzilo'n me hai... 

Patto'n pe jam gayii hai kayi mausamo'n ki gard... 

Shaakho'n ka jism lipta hua chaadaro'n me hai... 

MOHSIN kisi ka akss hai ashko'n me waqt-e-subh... 

Ya saaf aaine ka badan paaniyo'n me hai..