Dil ke Kehne Pe Jab Laray Tum Thay
Phir zamanay se kiun Daray Tum Thay
Naqsh thay hath ki Lakeeron mein
Dastaras se magar paray Tum Thay
Lakh phaila simat na paye Tum
Dil ki okaat se Baray Tum Thay
Hum ne jis raah ka intekhab Kiya
Uss ke Har Mor pe Kharay Tum Thay
Ik sharaar-e-Gumaan ki manind
Dhayyan ki raakh mein paray Tum Thay
Kya tha jiss mein ulajh Gya tha Main
Janay kis baat par Array Tum Thay
Ik hi lamha-e-Khamoshi mein
Hadd-e-Awaz se paray Tum Thay
0 Comments