Honton Pe Sahilon Ki Tarah Tishnagi Rahi..

Mehroz Ali June 08, 2013

Honton Pe Sahilon Ki Tarah Tishnagi Rahi..

Main Chup Huwa To Meri Ana Cheekhti Rahi..



Ek Naam Kya Likha Tera Sahil Ki Rait Pe..

Phir Umar Bhar Hawa Se Meri Dushmani Rahi..



Sarkon Pe Sard Raat Rahi Mere Hamsafar..

Aankhon Mein Mere Saath Thakan Jaagti Rahi..



Yaadon Se Khelti Rahi Tanhayi Raat Bhar..

Khushboo Ke Intezaar Mein Shab Bheegti Rahi..



Wo Lafz Lafz Mujh Pe Utarta Raha QATEEL..

Sochon Pe Uss Ke Naam Ki Takhti Lagi Rahi.

Post a Comment

0 Comments