Khawab saaray khayaal saaray

Khawab saaray khayaal saaray

Haqeeqaton ka libaada oarhay,

Tumhari hasti sanwaar jayen,



Ye chaand sooraj ye saaray taaray

Chiragh jitne bhi jal rehay hain,

Tumharay chehray k rang dekhen to haar jayen,



Ye behti nadiyan ye charhtay darya

Ye gehra saagar ye jheel jharnay ye aabshaaren,

Ye apna jeevan tumhaari aankhon pe waar jayen,



Rang khushbu gulab saaray

Mohabbaton k nisab saaray,

Nazar tumhari utaar jayen..!!