Jab Kisi Jaam Ko Honton Se Lagaya Main Ne.

Jab Kisi Jaam Ko Honton Se Lagaya Main Ne.

Raqs Karta Huwa Dekha Tera Saaya Main Ne.



Mujh se Mat Pooch Mere Mohtasib-e-Sheher Se Pooch.

Q Teri Aankh Ko Paimana Banaya Main Ne?



Log Kehte Hein Qasida Wo Tere Husun Ka Tha.

Aam Sa Geet Jo Mehfil Mein Sunaya Main Ne.



Maikada Band Tha Lekin Joon Hee Garja Baadal.

Apni Tauba Ko Chatakh'ta Huwa Paya Main Ne.



Shair-o-Naghmaat Ka Rishta Kabhi Toota Na Qateel.

Jab Ghazal Ban Ke Wo Aaya Ussay Gaaya Main Ne..