Nai Tarah Se Nibhane Ki Dil Ne Thaani Hai,

Nai Tarah Se Nibhane Ki Dil Ne Thaani Hai,

Wagarna Us Se Mohabbat Bahut Puraani Hai,



Khuda Wo Din Na Dikhaye K Mein Kisi Se Sunoo,

K Tu Ne Bhi Gham-e-Duniya Se Haar Maani Hai,



Zameen Pe Reh K Sitaare Shikaar Karte Hain,

Mizaaj Ehl-e-Mohabbat Ka Aasmaani Hai,



Hame Azeez Ho Q Kar Na Sham-e-Gham K Yehi,

Bicharne Waaley, Teri Aakhri Nishaani Hai,



Utar Parey Ho To Dariya Se Poochna Kaisa,

K Saahilon Se Udhar Kitna Taiz Paani Hai,



Bahut Dinon Main Teri Yaad Orrh Kar Utri,

Ye Sham Kitni Sunehri Hai Kiya Suhaani Hai,



Main Kitni Dair Ussay Sochta Rahoon Mohsin,

K Jaise Us Ka Badan Bhi Koi Kahaani Hai,