chal aa mohabbat ki baat kar lain

chal aa mohabbat ki baat kar lain

Chal aa himaqat ko yaad kar lain

Main phir se khali khattoot likhun 

Tu phir se gum sum jawab bhejay 

Zaban k tallay na khol payein 

go nazrain apni na kuch chupain

Tu bethi sochay k kya kahun ga

Main bas ye sochon k kia kaha hai.?

Na poochay tu ye, na main bataon

Magar yakeen ho k hai muhabbat

Jo chaar din ki hoon durian phir

Youn jhoot hans hans, ye dil jalain

Na saans aye k tum nahi ho

Na dil ye dharkay k tum nahi ho

Jis eid par na salam bhejon

Wo eid zalim na hum manayein

Phir imtehanon k din jo aayein

Kittab kholo to hum satyain

Yahi hon fikrain k ab kya ho ga

kia mil sakain gi ye apni rahain

Phir aik din main kamal kar doon

Bulaon tum ko sawal kar doon

Main sochon ab bhi k chup suno ga

To poche kyun itni dair kar di

Main tum se phir bhi jawab mangun

Tu hans k pochay , jawab de don.!

Main mangoon wada phir umer bhar ka

Tu keh day k jao, kiya hai wada

Ye wada laykar main muskuraon

Na is se agay main soch paon

Hai ab bhi waday ka pass mujh ko

Main ab bhi kuch nahi sochta hun

Main ab bhi khali khatoot likhun

Main ab bhi gum sum jawab mangun

Main ab bhi ro dun muhabaton ko

Main ab bhi hans don himaqaton ko

Main ab bhi tujh se hun rooth jata

Main ab khud ko hoon khud manata